Maxfiylik

Qisqasi: ism, telefon va email soʻralmaydi. Statistika faqat siz “Roziman” desangiz yigʻiladi. Rad etsangiz ham sayt toʻliq ishlaydi.

Nima yigʻiladi (faqat rozilik bersangiz)

• Tasodifiy qurilma raqami, masalan 3f2b8c1e-…. Uni brauzeringiz oʻzi tasodifan yaratadi, u sizning ismingiz yoki telefoningizga bogʻliq emas. Bir odam ikki xil qurilmadan kirsa, ikki xil raqam boʻladi.
• Tashrif raqami — brauzer oynasi yopilganda yangilanadi.
• Nima qilindi: qaysi sahifa yoki dars ochildi, dars tugatildimi, test natijasi (masalan, 4/5), simulyator ishlatildimi.
• Fikr: dars uchun 1–5 yulduz (agar baho qoʻysangiz). Matn yozib boʻlmaydi.
• Seminar kodi, masalan MAKTAB12-A — agar oʻqituvchi bergan havolada boʻlsa.
• Vaqt — maʼlumot qachon kelganini server oʻzi yozadi.

Nima yigʻilmaydi

Ism, familiya, telefon raqami, email, manzil, aniq joylashuv, rasm — hech biri soʻralmaydi va saqlanmaydi. Biz IP manzilingizni bazaga yozmaymiz.

Lekin halol aytishimiz kerak: internetdagi har qanday sayt kabi, sahifa ochilganda va maʼlumot yuborilganda saytni joylashtirgan xizmatlar (GitHub Pages, Supabase, jsDelivr) oʻz texnik jurnallarida IP manzilingizni vaqtincha koʻrishi mumkin. Bu ularning oʻz qoidalari bilan boshqariladi va bizga kelmaydi.

Nima uchun yigʻiladi

• Qaysi dars tushunarsiz ekanini bilish: uni koʻp odam boshlab, kam odam tugatsa, demak darsni yaxshilash kerak.
• Qaysi dars testi qiyin ekanini koʻrish.
• Seminar boshida va oxiridagi test natijalarini solishtirib, dars haqiqatan foyda berdimi — shuni bilish.
• Umumiy raqamlar (masalan, “120 ta qurilma”) muallifning portfoliosida koʻrsatilishi mumkin. Alohida odam haqida maʼlumot hech qachon koʻrsatilmaydi.

Maʼlumot qayerda saqlanadi

Maʼlumot Supabase xizmatida (bulutdagi maʼlumotlar bazasi) saqlanadi. Server Oʻzbekistondan tashqarida joylashgan:

Server mintaqasi: Shimoli-Sharqiy Osiyo — Seul, Janubiy Koreya.

Maʼlumotni faqat muallif parol bilan kirib koʻra oladi. Saytdagi kod orqali uni hech kim oʻqiy olmaydi: brauzerdan faqat yangi yozuv qoʻshish mumkin, oʻqish, oʻzgartirish va oʻchirish mumkin emas.

Har bir yozuv 1 yil saqlanadi, keyin avtomatik oʻchiriladi.

Rozilikni qanday oʻzgartirish yoki bekor qilish mumkin

1. Istalgan sahifaning eng pastidagi “Statistika sozlamalari” havolasini bosing.
2. “Yoʻq, rahmat” tugmasini tanlang.

Shundan keyin hech narsa yuborilmaydi, qurilma raqami esa brauzeringizdan oʻchiriladi. “Yoʻq, rahmat” faqat shu tashrif uchun saqlanadi: saytga keyingi safar kirganingizda yana soʻraymiz. “Roziman” esa bir marta bosiladi va boshqa soʻralmaydi. Oldin yuborilgan maʼlumot anonim, shuning uchun uning kimga tegishli ekanini hech kim aniqlay olmaydi.

Rozilik bermasangiz ham barcha darslar, testlar va simulyator toʻliq ishlaydi. Faqat fikr yuborish uchun rozilik kerak.

Qurilmangizning oʻzida nima saqlanadi

Brauzerning localStorage xotirasida: qaysi darslarni boshlagan va tugatganingiz, test natijalari, rozilik boʻyicha tanlovingiz, seminar kodi va (rozilik bersangiz) qurilma raqami. Bu roʻyxatning oʻzi serverga yuborilmaydi. Serverga faqat yuqorida sanalgan hodisalar boradi (test natijasi ham ular orasida, rozilik bergan boʻlsangiz).

Brauzer sozlamalarida shu sayt maʼlumotlarini tozalasangiz, bularning hammasi oʻchib ketadi.

Savollar boʻlsa

Telegram: t.me/AbdubositovSanjar yoki t.me/pw_Sanjar
Email: sanjarabdubositov011@gmail.com